Milans
| Milan | |
| |
| Non uficiâl: | Milano |
|---|---|
| Provincie/Citât metropolitane: | Milan |
| Regjon: | Lombardie |
| Altitudin: | 120 m s.n.m |
| Superficie: | 182 km² |
| Abitants: | 1.347.036 (31-3-2016) ab. |
| Densitât: | 7.414 ab./km² |
| Comuns confinants: | Arese, Assago, Baranzate, Corsico, Peschiera Borromeo, Rho, Sesto San Giovanni, Cormano, Cologno Monzese, Bresso, Novate Milanese, Vimodrone, Pero, Segrate, Settimo Milanese, Cusago, Cesano Boscone, Trezzano sul Naviglio, San Donato Milanese, Buccinasco, Rozzano, Opera |
| CAP: | 20100 (gjenerâl); efetîfs di 20121 a 20162 |
| Prefìs telefonic: | 02 |
| Sît istituzionâl | |
Milan (lombart ocidentâl Milan, orientâl Milà, talian Milano) e je la citât plui grande de Italie dal nord, cjâf lûc de omonime Citât metropolitane de Lombardie, la regjon plui popolose e ricje dal nord. La citât e à cirche 1.347.036 abitants (2016), ma la popolazion de intire aree urbane (La grande Milano) e je cirche di 4.280.820 personis (stime dal 2006). I siei abitants si clamin milanês, ma spes si dopre ancje la peraule meneghin, de mascare dal carnevâl Meneghino, o ambrosians, di Sant Ambrôs, patron de citât (fieste ai 7 di Dicembar).
Par un grum di secui, il non di Milan al è stât Mailand, che al è ancjemò vuê il non par todesc; al ven fûr dal celtic Medelhan (ven a stâi "tal mieç de plane") che al devente Mediolanum pai Romans.
La citât e je famose pe mode (e je sêt di diviersis ditis impuartantis dal setôr e di sfiladis une vore seguidis), pes spesis (in particolâr in Via Montenapoleone) e al è un grues centri finanziari, dulà che si cjate la uniche borse taliane; a Milan e àn la sêt un bon numar di gjornâi talians.
I monuments plui famôs di Milan a son il Domo in stîl gotic, il cjiscjel sforzesc, il teatri de Scale, la glesie di Sante Marie da lis Graziis (dulà che si pues viodi "La ultime cene" di Lenart da Vinci).