ЭлькуновидениеignU Bt U X iodIi5AaOa m789%O b 0l MIi
Элькуновидение — удмурт кырӟанъя ӵошатскон, кудӥз телевизионной Евровидение ӵошатскон амалэн ортче. Ӵошатсконэ пыриськыны быгато коллективъёс яке нимаз кырӟасьёс. Котькуд ёросысь пыриськисьёс кырӟаны быгато одӥг гинэ кырӟан, со кырӟан гожтэмын луыны кулэ со ёросын улӥсь яке отын вордӥськем адямиен. Одӥг ёрос — одӥг пыриськись (коллектив яке огназ кырӟась).
Элькуновидение нырысьсэ ортчиз 2012-тӥ арын. Со Элькунмылэн но «Мынам Удмуртие» телерадиокомпанилэн вордӥськем нуналэзлы сӥзьыса концерт-ӵошатскон выллем ортчиз. Концертэ пыриськизы пӧртэм ӧръя кырӟанъёсын артистъёс: трос аръёс ӵоже кырӟась фольклор коллективъёс, егит артистъёс. Ваньмыз ӵошатсконэ пыриськиз 20 ёросысь коллективъёс но артистъёс. Кырӟасьёсты эрико жюри дунъяз — котькуд ёрослэсь одӥг представитель. Эшшо одӥг вормись пусйиськиз sms-куарасётонэн. Озьы ик нимысьтыз кузьымъёс — Бран Песянайёслэсь («Евровидение-2012» ӵошатсконэ пыриськисьёс) но Silent Woo Goore группалэсь («Пичи Калыкъёслэн Евровиденизы» ӵошатсконэ пыриськисьёс) сётӥськизы.
Up zoo Eean rmoUp.Aat.wAwAa T 9m Jj L a PjHh DSsn,d067