Sexuн
Multi tool use
 Esti endilgui es un encetu |
El sexu es una categoría biológica dela reprodución sexual que diferencia a los determinaus biembrus duna especii pa su reprodución i subsistencia. El sexu en seris vivus se dividi en machus i embras. El sexu existi en tous los animalis, hongus, argunas prantas i protistas i se contraponi a los organismus asexualis comu las baterias, arqueas i virus que se reproducin ellus mesmus meyianti una replicación o egualamientu.
Pa los umanus nu es posibli determinal el sexu de divelsus seris vivus comu los hongus, prantas, animalis invertebraus i argunus vertebraus comu los pecis, anfibius i retilis. Sen embalgu enos mamíferus i argunas avis es posibli sabel el sexu porque presentan dimorfismu sexual que significa que los machus i las embras presentan determinas caraterísticas en aspetu que los diferencian. Enos umanus se gastan otrus términus pa diferencial el sexu, se denomina ombri, varón o masculinu a los machus i mujer o femenina a las embras.
La reprodución sexual enos seris vivus consisti ena únion delas células de ambus sexus pa hormal los proximus endivius que puein sel de qualquiel sexu. Las embras posin óvulus pala fecundación ya sia en animalis, hongus o prantas, mentris que los machus enos animalis posin espermas que son células flagelas opistocontas, por su parti los hongus i prantas posin esporas, peru estas se diferencia ya que las esporas de prantas tienin horma ovala i la delos hongus horma flagela opistoconta igual que la delos animalis i por ellu se considera que los hongus i animalis estan más estrechamenti emparentaus entri ellus que conas prantas.
