Ratu Zaléhat UOd AB v hsZ4 12TWwFf uGgZz dnEq V345234KeQa
Ratu Zaléha itu anak Sultan Muhammad Séman, lawan kata lain sidin ni cucu Pangéran Antasari. Sidin gigih melawan Belanda dalam Perang Banjar melanjutakan perjuangan kayé sidin.
Ratu Zaléha lawan laki sidin Gusti Muhammad Arsyad umpat melawan Belanda lawan abah sidin Sultan Muhammad Séman. Waktu Bénténg Manawing gugur, sidin besembunyi di Lahéi imbah itu ke Mia di pinggiran Sungai Téwéh nang dianggap aman dari sasahan Belanda. Laki sidin sudah menyerah setahun sebelum gugurnya Bénténg Manawing. Waktu Sultan Muhammad Séman gugur di médan perang wan Bénténg Manawing gugur, imbah itu Panglima Batur gén tetangkap jua tahun 1905, maka Perang Banjar dinyatakan tuntung sudah. Bubuhan pejuang nang kada hakun menyarah dibuang keluar dari banua Kesultanan Banjar sabagai tawanan perang. Ratu Zaléha sudah uyuh banar lahir lawan batin sidin, maka akhirnya tahun 1906 sidin diasingakan ke Bogor meumpati laki sidin nang sudah bedahulu diasingakan di sana.
Pas sidin sudah tuha, sidin bulik ke banua. Imbah itu sidin wafat tanggal 23 Séptémber 1953. Sidin dikuburakan di Banjarmasin Utara.
